మనుషులను నాలుగు రకాలుగా తాను విభజించానని వారే క్రియేటర్స్ ,ఇమిటేటర్స్, స్పెక్టేటర్స్, ఫ్రస్టేటర్స్ అన్నారు. అద్భుతాలు సృష్టించే వారంతా అతి సాధారణ కుటుంబాలనుంచే వచ్చారన్నారు ఎన్టీఆర్, ఎలాన్ మస్క్ లాంటి వారు అదే కోవకు చెందిన వారన్నారు. ఆవిష్కరణ సభకు ప్రధాన వక్తగా విచ్చేసిన సీనియర్ పాత్రికేయులు శంకేసి శంకర్ రావు పుస్తక విశ్లేషణ చేస్తూ మనిషిని నియంత్రించే మనసు మన చేతిలో లేదని అది మార్కెట్ శక్తుల నియంత్రణలోకి వెళ్లిందన్నారు. బహిర్గత శక్తులు మనుషులను మాయ చేస్తున్నాయని ఆవేదన వ్యక్తం చేశారు. మనసు- మనిషి పుస్తకంలో రచయిత మెండు ఉమా మహేశ్వర్ అన్ని కోణాలను స్పర్శించారన్నారు. ఈ పుస్తకాన్ని ఇటీవల మరణించిన తన సోదరుడు ప్రముఖ జర్నలిస్ట్ మెండు శ్రీనివాస్ కు అంకితం ఇవ్వడం సోదరుల మధ్య ఉన్న ఆప్యాయతకు నిదర్శనం అన్నారు. ప్రపంచమంతా ఇప్పుడు ఇన్ స్టా "గ్రామం"అయిపోయిందన్నారు. వ్యక్తిత్వ వికాసం అన్నది విలువల పునాది మీద నిర్మాణం కావాలన్నారు. ప్రస్తుత సమాజంలో విలువలు, ఆదర్శాలు కరువయ్యాయి అన్నారు.
